Inda Mendiko blog honetara etortzen zeraten guztioi gauza bat komentatu nahi dizuegu. Hemendik aurrera gure komentario eta abarrekoak beste leku batean azalduko dira, helbide berria honako hau izango da:

http://indamendi1.blogspot.com

Mila esker denetik.

Hemen daukazue 2010 urteko egutegia.

Dakizuen bezela federatze txartelakin bidaliko ditugu imprimatutako egutegiak baina bitartean hemen daukazue aurreikusteko urte honetako prestatu degun egutegia. Espero degu denon gustokoa izatea, eta gogoratu hurrengo urtera begira, inork baditu proposamenik edo bestelako komentariorik egiteko, bildurrik gabe idatzi gure helbide elektronikora (indamendi1@gmail.com).

Urteko egutegia

Hemen gera urteko lehena egiteko asmoz. Ea Gabon hauetan jasotako kilo guztiak botatzen ditugun, turroia azkar erantsi zaigu eta. Oraingoan Bizkaiakin hasiko gera. Lezama hizango da abiapuntu, handik GANGUREN mendia egin eta Artxandan amaitu. Ibilbide polita eguraldia lagun badegu eta gainera erraza, 3 ordu edo 3t’erdi izango dira; gainera Lezamatik ez dago holako aldapa gogorrik, eta behin gaina harrapatzen denean lasai lasai joango gera Artxandaraino. Han ikusiko degu zer egin, edo autobusa goraino ekarri edo funikularrez jeitsi Bilboraino.

Lehen bezela izen ematea goiko estankoan izango da ostirala baino lehen edo 943860357 telefonoan.

Irteera goizeko 7′30tan autobus geltokitik eta prezioak berdin jarraitzen dute, hau da helduak 5€ eta umeak 3€.

Bestalde hil honen 17 hasiera emango diegu ZALETASUNA SORTZEN deitu diogun ekitaldiei. Lehena Getariatik Zumaira izango da. Izango dezue honen berri zabalago.

Besterik gabe iganderarte.

Denboraldi pixka bat pasa ondoren, ohartxo batzuk idatzi behar dizkizuet.

Lehena, igandekoa, dakizuen bezela igandean egingo degu urteko azken ibilaldia. Itziartik Lizarreta mendia egin eta handik Zumaira oinez. Ibilbide polita eta erraza, iraupena ez da izango 3 edo 3orduterdi baino luzeagoa. Oraingoan azpimarratu irteera betiko lekutik goizeko 8,30tan izango dela.

Ibilbidea eta gero, denak dutxatu eta ahal dunak guapo jarri eta bazkarira. Inda Mendi elkartean izango degu bazkaria.

Azkenik datorren ostegunean hilak 17 eta arratsaldeko 7,30tan Inda Mendi elkartean Batzar nagusia izango da. Nahiko genuke ahalik eta jende gehien azaltzea, gai batzuk nahiko garrantzitsuak izango direlako.

Datorren igandekoa. Santu Guztien egunean egin genuen ibialdi zoragarrin ondoren hemen gera berriro normaltasunean. Oraingoan Azaroak 15koaren berri ematea gatoz. Berriro ere Bizkai aldera, aurtengoan ez da lehendabizikoa. Mañarian hasi, hau da, Durangon aldemenean dagoen herria, Mugarra (964metro) egin eta gero Orozketan bukatu. Ea aste honetan baino eguraldi hobeago degun.

Badakizue beti bezela irteera goizeko 7,30tan izango dela betiko lekutik eta izen ematea Goiko estankoan edo 943860357 telefonoan egin behar dezuela datorren ostirala baino lehen.

Prezioak helduentzat 5 eurokoa eta umeentzat 3 eurokoa.

Iganderarte.

Berriro Valderejo aldera joateko prest. Oraingoan ez da izango astebururako, egun baterako baizik. Azaroak 1, igandea, da aukeratutako eguna. Irteera goizeko 7,30tan izango da betiko lekutik. Izena ematea goiko estankoan edo 943860357 telefonoan egin beharko da.

Ibilbidea honako hau: Lalastratik atera, Ribera herrira jeitsi eta handik Santa Anako lepotik barrena, tontorra egin; berriro lepora jeitsi eta Puron ibaiaren desfiladeroa egin ondoren berriro Riberan azalduko gera; hemendik Lalastrara igo beharko da.  Hemen nahi duenak parketxean interpretazio zentroa ikusteko aukera izango du.

Jatordua egin ondoren (bertan taberna badago, edariak erosi nahi bada, eta suerte pixka batekin jatekoa ere bai), autobusean sartu eta denok etxera.

Ea suertea degun eguraldiakin eta  aukera degun hango paisai ederrak ikusteko. Animatu ezazue zuen lagun eta inguruko jendeei ahal den jende gehiena joateko.

Dakizuen bezela, pasa den asteburuan Valderejo parkean ibili gera. Programatuta zegoen bezela larunbatean goizean goiz irten, oraingoan 29 lagun elkartu ginen; bidean (Miranda de Ebron) gozaldu eta abiapuntura, kasu honetan Herran herrira. Goizean hotz, baina eguraldi eguzkitsua genuen eta eguna aurrera zijoan bezela jendeak erropa kentzen hasi zen (gehiegi ere ez, ez gaizki pentsatu). Purongo desfiladero ikusgarria pasa ondoren Riberan geldialdi txiki bat, bertako eliza ikusteko eta goruntz eguneko tontorraren bila; bidean basurde ehizaldi bat ere bazegoen eta berehala tontorrean ginen denok. Haizea freskoa baino gehiago hotza zen eta ondo babestu behar izan genuen hamaiketakoa egiterakoan. Gero berriro beheruntz eta San Lorentzo ermitan beste geldialdi txiki bat egin ondoren helmugarantz, hau da Lalastrara.

Eta hemen komerik, tabernara joan eta hona hemen, ¡ez zegoen ogirik! eguardiko 2,30ak ziren. Zer egin¡ telefonoz deitu genuen Villanueva de Valdegobiara eta han taberna baten zerbait emango zigutela, beraz aurrera¡ Eta horrela izan zen, ez zen gauza haundirik baina tira, nahikoa. Gero denak aterpera, dutxa zoragarri bat hartu ondoren, herria ezagutzera (beno, eta bitartean txikiteoa ere bai). Afaria, ensaladilla eta “tortilla patata”, zagarra eta bakoitzak ahal zuena egitera, batzuk kafearen bila eta beste batzuk mus txapelketa (oraingoan nahiko deskafeinatua, Ezkaraiko txapeldunak ez zuen jolastu), hemen txapeldunak LEIRE eta MANUEL  ¡¡Zorionak!!. Gero ohera eta hurrengo egunean, jaiki eta gosaldu ondoren berriro Lalastrara. Hemendik bigarren ibilbidea, Arrayuelas, Recuenco, berriro San Lorentzo ermita eta amaiera berriro Lalastran. Gaurkoan eguraldi paregabea, aukeratzea izan ezkero ezin hobeagoa aukeratu, eguzkitsua, goizen freskoa eta gero berriz zoragarria; bista ikusgarriak, benetan ibilaldi paregabea. Gaurkoan bai, ogia bazegoen eta han baskaldu genuen giro ederrean. Amaitu eta gero autobusa (askok lo egin genuen, siesta ederra) hartu eta etxera.

Ez dakit orokorrean jendeak zer pentsatzen duen, baina niretzat oso asteburu ederra izan da. Espero det beste guztientzat ere hala izango zela. Inork zerbait ezateko gogoa badu, bildurrik gabe iruzkinak bidali, zuen iritzi, ideiak eta kexak azaltzen. Mila esker denoi.

Irteera larunbata hilak 17 goizeko 6,30tan izango da. Bidean geldialdi txiki bat egingo da gosaltzeko. Handik, Herran herrira joan eta ibilbidearen hasiera; honako hau izango litzateke: Herran - Puron ibaiaren desfiladeroa - Ribera - Vallegrul senda - Vallegrul - San Lorentzo - Lalastra.

Lalastran bazkaria eta autobusean aterpera. Aterpean lozakua eraman beharko da (inork nahiko balu bertan maindireak badaude, 3 euroko prezioan). Afaria, lo egitea eta hurrengo eguneko gosaria daude prezioan sartuta.

Hurrengo egunean berriro autobusez Lalastrara joango gera eta honako ibilbidea izango da: Lalastra - Arrayuelas - Recuenco - San Lorenzo - Lalastra.

Bertan bazkaldu eta autobusez etxera.

Eraman beharrekoa, eguneko motxila izango litzateke, beste guztiak (lozakua, aldagarriak eta abar..) autobusean lagatzea dago.

Bazkariari buruz: nahi duenak etxetik eramatea dauka. Lalastran taberna dago, ezan digute irailean ireki dutela, bertan eguneko menuak  eta ogitartekoak ematen dituzte.Bakoitzak nahi duen bezela antolatu.

Inungo zalantzarik balego posta elektronikoz bildurrik gabe idatzi helbide honetara: indamendi1@gmail.com

Besterik gabe hilak 17an ikusiko dugulakoan, agur.

Atzo igandea eta pentsatuta zegoen bezela, Toloño aldera jo genuen. Oraingo honetan 23 lagunek ekin genion ibilbideari. Goizeko 7tan autobus geltokitik irten eta 8,20an iritsi ginen Buradon Gatzagara. Oinez hasi eta 11,15 aldera iritsi ginen gora. Benetan eguraldi paregabea, zoragarria, eta bertatik ikusten ziren bistak ikusgarriak. Hamaiketakoa egin ondoren jeitsiera, La Bastidara; bertan autobusa zegoen eta erropa aldatu ondoren jatetxera, bapo bazkaldu eta hobeto edan ondoren, autobusera. Gehienak lo hartu genuen eta arratsaldeko 6ak aldean Zumaian geunden. Noizean bein horrelakoak era egin behar dira.

Dakizuen bezela eta Iraileko azken igandea denez, Ernio eguna  izan da. Urtero bezela, Inda Mendikoak bertan izan gera. Aurtengoan Hernialdetik irten gera, eguraldi ederra; lainoa, baina giro zoragarria; gero eta Herniozabaltik pasa ondoren Ernioko tontorrera. Jendetsa izugarria, benetan une batzutan arazoak zeunden han ibiltzeko. Gero Zelatunera jeitsi, amaiketakoa egin eta autobusera, oraingoan Trintxeran zegoen gure zain.

Ibilbide zoragarria, agian pentsatzen genuena baino luzeagoa. Aurten 31 lagun bildu gera, eta oso ederra izan da.

Gogoratu hurrengo ibilaldia umeentzat egun guztikoa izango dala eta oraingoan Valderejo aldera joko degula. Merezi du.