Iaz Zarauzko finaleraino iristea lortu eta gero, aurten ere zumaiarrak prest gara saio txukun batzuk egin eta herriko bertsozaleen egarria asetzeko. Aurtengoan 16 talde bildu dira GR ekimenean, eta 4 multzotan banatu dira; bakoitzetik talde bakarrak egingo du aurrera, eta Zumaiaren multzoan beste 3 talde hauek haude: Oñati, Mallabia eta Gasteiz.

Maialen Velardek irabazi zuen joan den ostiralean Algorri jatetxean jokatutako txapelketa. Bigarren geratu zen iazko txapelduna, Unai Gijarro. Entzuleen saria, berriz, Markel Peñalbak lortu zuen.

Ostiralean Zumaiako X. Bertsolari txapelketan parte hartuko duten bertsolariak hauek dira: Unai eta Jokin Gijarro, Josu Manzisidor, Maialen Velarde, Maddi Gallastegi, Joxe Joakin Aizpurua, Manex Elola eta Markel Peñalba. Aurkezle lanetan Jon Maia arituko da.

Bertsozaleak ez dira haserre izango aurtengo eskaintzarekin! Lehenbiziko ostiralean urteroko saioa Aita Marin, biharamunean (hilaren 29an) bazkalondoan Jokin Uranga eta Xabier Silveira arituko dira, eta repetizioetako ostiralean Zumaiako X. bertsolari txapelketa jokatuko da Algorri sagardotegian.

Dagoeneko banatu ditugu 2007ko bertso lehiaketaren oinarriak. Aurtengo gaia berezi samarra da: Olagarroaren erroak Zumaian. Abenduaren 27a bitartean aurkez daitezke lanak, Foronda kultur etxean edota johanes@euskalerria.org helbidera bidalita.

Bertsolariak aritu ziren gogotik G puntuaren bila, baina esan genezake atzo Zumaian entzuleak orgasmora iristetik urruti samar geratu zirela. Saio epela gertatu zen, eta tristea ere izan zen Jokin Uranga eta Ekaitz Goikoetxea hain urduri eta ezinean ikustea. Sarriegi ibili den sendoen, eta ordainetan zuzeneko txartela eskuratu zuen. Mantxi zarauztarra ere fuerte ibili zen atzo.

Datorren igandean, hilak 28, Gipuzkoako Bertsolari Txapelketako bigarren faseko laugarren saioa jokatuko da Maria eta Jose ikastetxean. Lau sarrera ditugu zuetako bi laguni emateko.

Larunbatean jokatu zen GR-12 bertsobideko lehen finalaurrekoa, Lasarte-Orian. Zumaiarrak nagusitu ziren eta Zarauzko finalera sailkatzea lortu zuten.

Talaia jatetxean oriotarren aurrean nagusitzea lortu eta gero (32-25), multzoko buru amaitzea lortu zuten zumaiarrek. Orain, hurrengo lehia edo desafioa Lasarte-Orian izango dute, larunbat honetan, hilak 16, azpeitiarren aurka.

Maiatzean hiru saio edo desafio jokatuko ditzute Zumaiako bertsolari gazteek, bi kanpoan eta bat herrian. Ostiral honetan Orion izango dute saioa, Salatxo tabernan, gaueko 10ak inguruan. Datorren ostiralean (hilak 11), berriz, Zumarragan izango dute saioa eta, bukatzeko, maiatzaren 25ean Zumaian abestuko du oriotarrekin batera.

Martxoaren 31n jokatu zen Zumaia eta Zumarraga-Urretxuren arteko bertso-desafioa, Oxford aretoan (Alondegian). Justu antzean izan bazen ere, Zumaia nagusi.

Santelmoak gerturatu ahala, urtero bertso-kontuetan mugimendu handia sumatu ohi da, eta oraingoian ere halaxe gertatzen da: bertso-saioa, Zumaiako txapelketa...

Ostiralean jokatu zen Zaharretxean VIII. bertsolari txapelketa eta aurten maialen Velardek eskuratu du txapela, oroigarriarekin eta 300 euroko sariarekin batera. Joxe Joakin Aizpurua sailkatu zen bigarren eta oroigarria eta 150 € jaso zituen ordainetan. Gainerako bertsolarien artean entzuleen artean bat hautatu behar zuten, baina berdinduta gelditu ziren Markel Peñalba eta Jokin Gijarro, 26na botorekin.

Azken urteotan bezalaxe, aurten ere santelmoen bigarren ostiralean jokatuko da Zumaiako bertsolari txapelketa. Apirilaren 28an izango da eta bi dira nobedade nagusiak: ez da Anaden izango eta azken faseko lehian bi bertsolari bakarrik arituko dira.

ST 2006 kartela.pdf

Dagoeneko lotuta dago apirilaren 21ean Aita Marin kantuan arituko den seikotea: Amaia Agirre, Egaña, Elortza, Irazu, Iturriaga eta Jon Maia. Gai-jartzaile, berriz, Josu Goikoetxea arituko da.

Otsailean jokatutako da Azpeitiko Erniarraitz Bertso eskolak antolatzen duen sariketako 3 kanporaketa eta finala eta tartean izango dira Zumaiako Bertso eskolako bi ordezkari, Unai eta Jokin Gijarro, hain zuzen. Bi sarrera eskuratu nahi dituzu?

Larunbat goizean 15 lagun inguru elkartu ziren Bertso Eskolak antolatutako santa eskean.