PAOLBIDIA

ARBUSTAIN GARABIA GOGOAN (1931 - 2000). Rafael del Pilar Zufia

paolbidia13 — Wed, 16 Nov 2011 10:48:06 +0000

Rafael del Pilar Zufia zumaiarrak, herriari eskainitako lan eder hau argitaratu zuen eta doain banatu 2003 urtean. Bertan Arbustaingo garabiaren marrazkiak berrikusi zituen, 2000 urtean eraitsi zuten urtean. Berriro eraiki nahi duenarentzat, xehetasun guztiak (kalkuloak barne) eta agiriak biltzen dituen bitartean, zumaiaren oroimena ez galtzeko ariketa interesgarria izan da. Gure artean, gero eta gehiago eskertzen den lan xume baina garrantzitsu honek, gaur egun badu jarraitzaile talde eratu berria den ZIIZ arekin (zumaiako ondare industriala gorde eta mantentzeko taldea). Liburuan, Rafaelek eskertzen die, Jon Gutierrez Irigoyen, Luis Fernandez de Arroiabe, Manuel Galarraga Barrenetxea, Jose Francisco Unanue Aranberri, Rafael Orofino Askunze, Imanol Azkue Ibarbia (euskara itzulpena) eta Roberto Gutierrez i (maketazioa eta diseinua), laguntza eta liburuaren edukiak lortzeko laguntza. Zorionak Rafael eta mila esker!

IBAIAN GORA zubi mugikorra

paolbidia13 — Fri, 04 Nov 2011 18:41:47 +0000

“Ibaian Gora” izengoitiarekin aurkeztutako proposamena Zumaiako kirol Portua eta Txomin agirre moila elkartzeko Zubi Mugikorraren lehiaketaren atzean teknikari zumaiarrak zeudela jakiteak sorpresa puntua izan du guretzat. Baleiken irakurrita genuen Bernar Caporossi ingeniari Zumaiarraren ideia eta proposamenak, lehiaketa bideratu zuela. Bertara aurkeztu zela ere.

Berarekin batera, baina isilago zumaiar talde batek berea aurkeztu zuen. Mikel Manterola arkitektoa lantaldearen arduradunak jakinarazi digu ideiaren aurkezpena.

Lantaldea:

Jon Lopez de la Rubia

Miguel Angel Vita Garay

Mikel Manterola Etxabe (mikelme6@hotmail.com).

Eritzia eskatu gabe emateko ohitura dugula oinarritzat hartuta bi ideia nagusi ikusi ditugu. 1- Zubiaren mugimenduan, Txomin agirre kaian, aldapa mugikorrak sortuko lituzkeen eragozpenak, bertan, ibiltariak babesteko sistemak jarri beharko liratekeela, eragozpen bat izan daitekela, kontutan izanda teknikari edo segurtasun arduradun beharra lekuan. 2- Arbustain go garabiri egiten dioten homenaldi xumea datorkigu burura, nahita edo nahigabea izanda, zumaiarrak direla eta oroimena mantentzen dela aldekoa du proposamenak.

Zorionak.

ODIETA ATZO, GAUR ETA BIHAR

paolbidia13 — Mon, 17 Oct 2011 08:05:03 +0000

Gustora geratzeko moduko albistea zumaiarrentzat. Odieta tente degu oraindik eta.

Asteotan irakurri degu ondareari, eta honek gure gizartean duen eraginari buruz. Zertarako mantendu gure eraikin zaharrak? Ez al da hobeago eraistea eta eraikin berriekin gure beharrak erosoago betetzea? Baliteke. Baleike. Baina irakurriak irakurrita, ulertu behar degu, gu ez garela, gure inguruari izana kentzen badiogu. Filosofia munduan murgilduz gero, teoria hauek landu dituen pentsalariek esana: Gure izaera, gure izana, bizi degun inguruaren ondorioa direla alegia. Baina noski, sakondu gabe, galde genezake gu ez garela 1888 urteko biztanleak bezalakoak. Gu XXI mendean sartutako izakiak garela. Zergaitik garrantzia eman, garai hartako eraikin honi? Dena ez bada ere, balio duena bada ere mantendu beharko genuke. Zerk balio duen gizarteak esan beharko du. Eta guk, gai hauek interesa pizten digunok erakustarazi.

Odieta auzoak haseratik izan du ardurarik gabeko hirigintza garapena. Herriak bizkarra eman dio han gertatzen zenari, naiz eta zumaiarrok unerik alaienak bertan igaro, festatik festara. Gaur da eguna, gora beherak tarteko, pozik egon beharko genuken unea. Odietak arnas pixkat hartzeko aukera duelako. Naiz eta eraikin batzu, gora behera hauekin eguzkia betirako galdu. Ez pilotalekuak itzala ematen dielako behinik behin.

Argazki zaharrean, euskal festa dirudien ekitaldia, pilotaleku irekian. Argazki berrian, bi gazte pilota jostatzen. Eusebio Gurrutxagako Odieta pilotalekuan. Zerbait faltan botatzekotan, Ubillos jauregia osoki ikustea. Baina noski, hau eskatzea…ze esango ote dute Odieta alboan dauden etxekoek?

Guk Odietaz gozatzeko aukera izateak poztu egiten gaitu.

Bukatzeko 1999 abenduan Baleiken irakurritako idatzia jartzen degu, gogoeta modura. Garai haietan Odieta pilotalekua botatzeko proposamena egin berria zuen Udal teknikari taldeak. Pelotalekua erruduna zela eta, 13 etxebizitza egite asmoarekin. Pilotalekualdera begira geunden bitartean, ez ginen konturatu marraztu zuten etxetzarrak, auzoa txikiago eta ilunago utziko zuela. Bejondeizuela!