Egilea: baleike, Noiz:2010-03-15 08:46:58, Atala: Euskara
Euskara Zerbitzuak hiru egitasmo berri abiatuko ditu merkataritzan euskara bultzatzeko. Alde batetik, inkesta bat egingo dute bezero euskaldunek erosketak egiterakoan dituzten hizkuntza-jarrerak jasotzeko asmoz. Bestetik, euskararen egoera aztertu eta hobetzeko mikroplana abiatuko dute herriko establezimendu batean. Horiez gain, produktuen berri emateko kartel batzuk ere jarriko dira herriko janari-denda batzuetan.
Egilea Baleike, Noiz: 2010-03-16 13:37 Atala : Gizartea
Hondartzara joateko aukera izan duten apurrek gogotik gozatu dute goiza. Eguraldi zoragarria, itsabeherak utzitako hondartza zabala eta itsasoa bare-bare. Negua badoala...
Egilea Urola Kostako Udal Elkartea, Noiz: 2010-03-16 09:55 Atala : Euskara
Urola Kostako Udal Elkarteak Mintzalaguna Urola Kostan ekimena jarri zuen martxan duela urtebete. Ekimenak arrakasta polita lortu du eta une honetan eskualdean 15 mintzatalde eta 50 pertsonatik gora ari dira parte hartzen –Zumaian bi talde daude–. Orain beste urrats bat egitera goaz: gurasoak mintzalagun.
Egilea Baleike, Noiz: 2010-03-15 20:24 Atala : Gizartea
Joan den urteko uztailean garagardo azoka antolatu zuten Pulpo Eskubaloi Elkarteak eta Zarauzko Errugbi Taldeak elkarlanean, Udalaren diru-laguntzarekin. Aurten Udalak jakinarazi du diru-laguntzarik ez duela emango, dirua aurreztu beharra dagoela arrazoituz. Horrenbestez, garagardo azoka bertan behera geldituko da. Pulpo Eskubaloi Elkartetik jakinarazi dutenez, "pena handia da iazkoa oso ondo atera zelako; ea datorren urterako berriro antolatzeko modua aurkitzen dugun denon artean".
Egilea Baleike, Noiz: 2010-03-15 12:00 Atala : Hirigintza
Gaur goizean makinen burrunba entzun da berriro Beheko plazan. Kioskoa erabat eraitsi eta plaza libratzea izango dute lehen zeregina. Udalak jakinarazi duenez, Odietako etxebizitza berriekin ere aste honetan hasiko omen dira berriro lanean.
Egilea Inda Mendi, Noiz: 2010-03-15 10:16 Atala : Kirola
Atzo goizean gure herri honetan Haur Ibilaldi Neurtua ospatu genuen. Aurrekoan esaten nizuen bezala bailarako umeen festa izango zela eta hala gertatu. Eguraldi lagun izan genuela (lainotuta, baina ateri eta freskoa, ibiltzeko paregabekoa) 400 bat ume etorri ziren (erdiak Zumaia bertakoak) eta 250 edo 300 heldu. Prestatutako ibilbidea egin eta bide erdian hamaiketakoa eman genien nahi zuen guztiari. Ibilaldia amaitu ondoren Ondartxo plazan ume bakoitzari opari bat eman (aurtengoan txapel bat), agiria eta bakoitza bere etxera. Denok goiz eder bat pasa genuen.
