Maiatzaren 12an, igandean, egingo da Zumaiako kaleko pintura lehiaketa. Goizez arituko dira parte hartzaileak margotzen, eta arratsaldez egingo da sari banaketa ekitaldia, Oxforden.
Eskolarteko Gipuzkoako piraguismo txapelketa jokatuko da, ur lasaien modalitatean, igandean, hilaren 12an, Zumaian. Goizeko 11:00etan jokatuko da proba.
Zumaian egingo da ekainaren 1ean, larunbata, Euskal Herriko joaldunen festa. 11:30ean kalejira izango da, 13:30ean plaza dantza, 14:30ean Andoni Ollokiegik girotutako herri bazkaria, eta 18:00etan Hamarru elektrotxarangaren kalejira. Bazkarirako txartelak salgai daude Inpernupe, Txikitxa eta Ilargi tabernetan: 20 euro helduentzako eta 10 euro haurrentzako.